Asia Cup 2025: ਏਸ਼ੀਆ ਕੱਪ 2025 ‘ਚ 11 ਗਰੁੱਪ ਪੜਾਅ ਦੇ ਮੈਚਾਂ ਦੇ ਪੂਰਾ ਹੋਣ ਤੋਂ ਬਾਅਦ, ਸੁਪਰ 4 ਪੜਾਅ ਲਈ ਚਾਰ ਟੀਮਾਂ ਦਾ ਫੈਸਲਾ ਹੋ ਗਿਆ ਹੈ। ਵੀਰਵਾਰ ਨੂੰ ਖੇਡੇ ਮੈਚ (SL ਬਨਾਮ AFG) ‘ਚ ਸ਼੍ਰੀਲੰਕਾ ਨੇ ਗਰੁੱਪ-ਬੀ ‘ਚ ਅਫਗਾਨਿਸਤਾਨ ਨੂੰ ਹਰਾ ਕੇ ਉਨ੍ਹਾਂ ਨੂੰ ਬਾਹਰ ਕਰ ਦਿੱਤਾ। ਇਸ ਨਤੀਜੇ ਨਾਲ ਬੰਗਲਾਦੇਸ਼ ਸ਼੍ਰੀਲੰਕਾ ਦੇ ਨਾਲ ਅਗਲੇ ਦੌਰ ‘ਚ ਪਹੁੰਚ ਗਿਆ। ਭਾਰਤ ਅਤੇ ਪਾਕਿਸਤਾਨ ਗਰੁੱਪ ਏ ਤੋਂ ਕੁਆਲੀਫਾਈ ਕਰ ਗਏ।
ਅਬੂ ਧਾਬੀ ‘ਚ ਸ਼੍ਰੀਲੰਕਾ ਅਤੇ ਅਫਗਾਨਿਸਤਾਨ ਵਿਚਾਲੇ ਇੱਕ ਮੈਚ ਖੇਡਿਆ ਗਿਆ। ਅਫਗਾਨਿਸਤਾਨ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 169 ਦੌੜਾਂ ਬਣਾਈਆਂ। ਸ਼੍ਰੀਲੰਕਾ ਨੂੰ ਕੁਆਲੀਫਾਈ ਕਰਨ ਲਈ 101 ਦੌੜਾਂ ਦੀ ਲੋੜ ਸੀ। ਸ਼੍ਰੀਲੰਕਾ ਟੀਮ ਨੇ ਨਾ ਸਿਰਫ ਇਸ ਸਕੋਰ ਨੂੰ ਪਾਰ ਕੀਤਾ ਬਲਕਿ 19ਵੇਂ ਓਵਰ ‘ਚ ਮੈਚ ਵੀ ਜਿੱਤ ਲਿਆ।
ਗਰੁੱਪ-ਬੀ ‘ਚ ਸ਼੍ਰੀਲੰਕਾ ਨੇ ਆਪਣਾ ਲਗਾਤਾਰ ਤੀਜਾ ਮੈਚ ਜਿੱਤਿਆ ਅਤੇ 6 ਅੰਕਾਂ ਨਾਲ ਅਗਲੇ ਦੌਰ ‘ਚ ਜਗ੍ਹਾ ਪੱਕੀ ਕੀਤੀ। ਜੇਕਰ ਸ਼੍ਰੀਲੰਕਾ 101 ਦੌੜਾਂ ਬਣਾਉਣ ਤੋਂ ਬਾਅਦ ਮੈਚ ਹਾਰ ਜਾਂਦਾ, ਤਾਂ ਅਫਗਾਨਿਸਤਾਨ ਬਿਹਤਰ ਰਨ ਰੇਟ ਕਾਰਨ ਕੁਆਲੀਫਾਈ ਕਰ ਲੈਂਦਾ ਅਤੇ ਬੰਗਲਾਦੇਸ਼ ਬਾਹਰ ਹੋ ਜਾਂਦਾ। ਹਾਲਾਂਕਿ, ਸ਼੍ਰੀਲੰਕਾ ਨੇ ਮੈਚ ਜਿੱਤ ਲਿਆ, ਜਿਸ ਨਾਲ ਬੰਗਲਾਦੇਸ਼ ਦਾ ਆਪਣੇ ਨਾਲ ਹੀ ਅਗਲੇ ਦੌਰ ‘ਚ ਦਾਖਲਾ ਪੱਕਾ ਹੋ ਗਿਆ।
ਬੀਤੇ ਬੁੱਧਵਾਰ ਨੂੰ ਪਾਕਿਸਤਾਨ ਗਰੁੱਪ ਏ ਤੋਂ ਸੁਪਰ 4 ਦੌਰ ‘ਚ ਪਹੁੰਚ ਗਿਆ। ਇਸ ਨਾਲ 21 ਸਤੰਬਰ ਨੂੰ ਦੁਬਈ ‘ਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਅਗਲਾ ਮੈਚ ਪੱਕਾ ਹੋ ਗਿਆ। ਇਸ ਦੌਰ ‘ਚ ਭਾਰਤ 24 ਸਤੰਬਰ ਨੂੰ ਬੰਗਲਾਦੇਸ਼ ਅਤੇ 26 ਸਤੰਬਰ ਨੂੰ ਸ਼੍ਰੀਲੰਕਾ ਨਾਲ ਭਿੜੇਗਾ। ਫਾਈਨਲ 28 ਸਤੰਬਰ ਨੂੰ ਦੁਬਈ ‘ਚ ਸੁਪਰ 4 ਅੰਕ ਸੂਚੀ ‘ਚ ਚੋਟੀ ਦੀਆਂ ਦੋ ਟੀਮਾਂ ਵਿਚਾਲੇ ਖੇਡਿਆ ਜਾਵੇਗਾ।
ਭਾਰਤ ਅਤੇ ਓਮਾਨ ਦਾ ਗਰੁੱਪ ਪੜਾਅ ‘ਚ ਇੱਕ ਮੈਚ ਬਾਕੀ ਹੈ। ਇਹ ਮੈਚ ਅੱਜ ਅਬੂ ਧਾਬੀ ‘ਚ ਖੇਡਿਆ ਜਾਵੇਗਾ। ਭਾਰਤੀ ਟੀਮ ਅਗਲੇ ਦੌਰ ‘ਚ ਪਹੁੰਚ ਗਈ ਹੈ, ਭਾਵੇਂ ਉਹ ਅੱਜ ਹਾਰ ਜਾਵੇ, ਪਰ ਸ਼ਡਿਊਲ ‘ਚ ਕੋਈ ਬਦਲਾਅ ਨਹੀਂ ਹੋਵੇਗਾ। ਇਸ ਲਈ ਭਾਰਤੀ ਟੀਮ ਅੱਜ ਪਲੇਇੰਗ ਇਲੈਵਨ ‘ਚ ਨਵੇਂ ਖਿਡਾਰੀਆਂ ਨੂੰ ਸ਼ਾਮਲ ਕਰਨ ਬਾਰੇ ਵਿਚਾਰ ਕਰ ਸਕਦੀ ਹੈ।
.jpg)
.jpg)
