55 ਸਾਲ ਤੋਂ ਡੇਰੇ ਦੀ ਜ਼ਮੀਨ ਉਪਰ ਨਜ਼ਾਇਜ ਕਬਜ਼ੇ ਦਾ ਮਾਮਲਾ

 

-ਅਦਾਲਤ ਨੇ ਠਾਕੁਰ ਦੁਬਾਰਾ ਡੇਰਾ ਪੰਜ ਬੀੜੀ ਦੇ ਪ੍ਰਬੰਧਕਾਂ ਦੇ ਹੱਕ 'ਚ ਸੁਣਾਇਆ ਫੈਸਲਾ

-ਪੁਲਿਸ ਪ੍ਰਸ਼ਾਸਨ ਦੀ ਹਾਜ਼ਰੀ ਵਿੱਚ ਮੁਦਈ ਧਿਰ ਨੂੰ ਦਵਾਇਆ ਗਿਆ ਜ਼ਮੀਨ ਉਪਰ ਕਬਜ਼ਾ

ਬਰਨਾਲਾ, 30 ਅਕਤੂਬਰ (ਧਰਮਾਪਲ ਸਿੰਘ): ਮਾਨਯੋਗ ਅਦਾਲਤ ਸਿਵਲ ਜੱਜ ਬਰਨਾਲਾ ਸ੍ਰੀ ਸੁਧੀਰ ਕੁਮਾਰ ਨੇ 55 ਸਾਲ ਤੋਂ ਨਜ਼ਾਇਜ ਕਬਜੇ ਦੇ ਮਾਮਲੇ ਦੀ ਸੁਣਵਾਈ ਕਰਦਿਆਂ ਠਾਕੁਰ ਦੁਬਾਰਾ ਡੇਰਾ ਪੰਜ ਬੀੜੀ ਬਰਨਾਲਾ ਦੇ ਪ੍ਰਬੰਧਕਾਂ ਨੂੰ ਸਾਢੇ 15 ਏਕੜ ਜ਼ਮੀਨ ਦਾ ਕਬਜਾ ਐਡਵੋਕੇਟ ਤਲਵਿੰਦਰ ਸਿੰਘ ਮਸੌਣ ਦੀਆਂ ਦਲੀਲਾਂ ਨਾਲ ਸਹਿਮਤ ਹੁੰਦਿਆ ਜਿਲਾ ਪ੍ਰਸ਼ਾਸਨ ਰਾਹੀਂ ਦਵਾਉਣ ਦਾ ਫੈਸਲਾ ਸੁਣਾਇਆ। ਜਾਣਕਾਰੀ ਅਨੁਸਾਰ ਠਾਕੁਰ ਦੁਬਾਰਾ ਡੇਰਾ ਪੰਜ ਬੀੜੀ ਬਰਨਾਲਾ ਦੇ ਪ੍ਰਬੰਧਕ ਹਰਚਰਨ ਦਾਸ ਚੇਲਾ ਤਰਸੇਮ ਚੰਦ ਅਤੇ ਤਰਸੇਮ ਚੰਦ ਚੇਲਾ ਗਿਰਧਾਰੀ ਲਾਲ ਵਾਸੀ ਬਰਨਾਲਾ ਕੋਲ ਸਾਢੇ 15 ਏਕੜ ਜ਼ਮੀਨ 125 ਕਨਾਲ ਪੰਜ ਮਰਲੇ ਰਕਬਾ ਸੰਘੇੜਾ ਏਅਰ ਫੋਰਸ ਕੋਲ ਸੀ, ਇਸ ਜ਼ਮੀਨ ਉਪਰ ਵਿਨੋਦ ਕੁਮਾਰ ਵਗੈਰਾ ਵੱਲੋਂ ਪਿਛਲੇ ਕਰੀਬ 55 ਸਾਲਾਂ ਤੋਂ ਇਸ ਜ਼ਮੀਨ ਉਪਰ ਨਜ਼ਾਇਜ ਕਬਜਾ ਕੀਤਾ ਹੋਇਆ ਸੀ। ਜਿਸ ਨੂੰ ਛੁਡਵਾਉਣ ਲਈ ਮੁਦਈ ਧਿਰ ਵੱਲੋਂ ਮਾਣਯੋਗ ਅਦਲਾਤ ਦੇ ਹੁਕਮਾਂ ਤਹਿਤ ਕਈ ਵਾਰ ਜ਼ਮੀਨ ਤੇ ਆਪਣਾ ਹੱਕ ਜਤਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਪਰ ਕਬਜ਼ਾ ਧਾਰਕਾਂ ਵੱਲੋਂ ਮੁਦਈ ਧਿਰ ਨੂੰ ਕਬਜ਼ਾ ਨਹੀਂ ਦਿੱਤਾ ਜਾ ਰਿਹਾ ਸੀ। ਜਿਸ ਤੋਂ ਬਾਅਦ ਪ੍ਰਬੰਧਕਾਂ ਨੇ ਮਾਨਯੋਗ ਅਦਲਾਤ ਦਾ ਦਰਵਾਜਾ ਖੜਕਾਇਆ ਜਿੱਥੇ 14 ਅਕਤੂਬਰ 2025 ਮੁਦਈ ਧਿਰ ਵੱਲੋਂ ਪੇਸ਼ ਹੋਏ ਐਡਵੋਕੇਟ ਤਲਵਿੰਦਰ ਸਿੰਘ ਮਸੌਣ ਦੀਆਂ ਦਲੀਲਾਂ ਨਾਲ ਸਹਿਮਤ ਹੁੰਦਿਆਂ ਸਿਵਲ ਜੱਜ ਬਰਨਾਲਾ ਸ੍ਰੀ ਸੁਧੀਰ ਕੁਮਾਰ ਨੇ 55 ਸਾਲ ਤੋਂ ਨਜ਼ਾਇਜ ਕਬਜੇ ਦੇ ਮਾਮਲੇ ਦੀ ਸੁਣਵਾਈ ਕਰਦਿਆਂ ਠਾਕੁਰ ਦੁਬਾਰਾ ਡੇਰਾ ਪੰਜ ਬੀੜੀ ਬਰਨਾਲਾ ਦੇ ਪ੍ਰਬੰਧਕਾਂ ਦੇ ਹੱਕ ਵਿੱਚ ਫੈਸਲਾ ਸੁਣਾਇਆ ਗਿਆ ਅਤੇ 29 ਅਕਤੂਬਰ 2025 ਨੂੰ ਜਿਲਾ ਪ੍ਰਸ਼ਾਸਨ ਨੇ ਮੁਦਈ ਧਿਰ ਨੂੰ ਕਬਜ਼ਾ ਕਰਵਾ ਦਿੱਤਾ।