ਗੁਰਮਤਿ ਦੇ ਪ੍ਰੇਮੀ ਹਰ ਸਿੱਖ ਦੇ ਦਿਲ ਵਿੱਚ ਬਾਬਾ ਦੀਪ ਸਿੰਘ ਜੀ ਲਈ ਬੇਅੰਤ ਸ਼ਰਧਾ ਤੇ ਸਤਿਕਾਰ ਹੈ। ਇਹ ਉਹ ਮਹਾਨ ਸ਼ਹੀਦ ਹਨ ਜਿਨ੍ਹਾਂ ਨੇ ਸਿੱਖ ਧਰਮ ਦੀ ਰੱਖਿਆ ਲਈ ਆਪਣਾ ਸਿਰ ਹੱਥ ਵਿਚ ਫੜ ਕੇ ਲੜਾਈ ਕੀਤੀ ਤੇ ਸੱਚੇ ਅਰਥਾਂ ਵਿੱਚ “ਧਰਮ ਦੇ ਰੱਖਿਆਕਾਰੀ” ਬਣੇ। ਬਾਬਾ ਜੀ ਦੀ ਸ਼ਹੀਦੀ ਸਿਰਫ਼ ਇਕ ਕਹਾਣੀ ਨਹੀਂ, ਸਗੋਂ ਇਕ ਅਜਿਹੀ ਪ੍ਰੇਰਨਾ ਹੈ ਜੋ ਹਰ ਸਿੱਖ ਦੇ ਜੀਵਨ ਦਾ ਅਟੁੱਟ ਹਿੱਸਾ ਹੈ।
ਕੱਲ੍ਹ ਗੁਰਦੁਆਰਾ ਸ਼ਹੀਦ ਗੰਜ ਸਾਹਿਬ (ਸ਼ਹੀਦਾਂ ਸਾਹਿਬ) ਵਿੱਚ ਸੇਵਾ ਦਾ ਸੁਨਿਹਰਾ ਮੌਕਾ ਮਿਲਿਆ। ਗੁਰਦਵਾਰੇ ਸ਼ਹੀਦਾਂ ਸਾਹਿਬ ਅਟੁੱਟ ਸੰਗਤ ਨੇ ਬੜੀ ਸ਼ਰਧਾ ਨਾਲ ਗੁਰਦੁਆਰੇ ਦੀ ਸਫਾਈ ਕੀਤੀ। ਹਰ ਇਕ ਦੇ ਚਿਹਰੇ ’ਤੇ ਸੇਵਾ ਦਾ ਜੋਸ਼ ਤੇ ਧਾਰਮਿਕ ਭਾਵਨਾ ਦਾ ਚਾਨਣ ਦਿਖ ਰਿਹਾ ਸੀ। ਗੁਰਦੁਆਰੇ ਸਾਹਿਬ ਜੀ ਅੰਦਰ ਗੁਰਬਾਣੀ ਦੇ ਪਾਠ ਗੂੰਜ ਰਹੇ ਸਨ, ਸੰਗਤ ਕੀਰਤਨ ਦਾ ਆਨੰਦ ਮਾਣ ਰਹੀ ਸੀ, ਅਤੇ ਹਰ ਕੋਈ ਆਪਣੇ ਮਨ ਵਿਚ ਬਾਬਾ ਦੀਪ ਸਿੰਘ ਜੀ ਤੇ ਹੋਰ ਸ਼ਹੀਦਾਂ ਸਿੰਘ ਸਾਹਿਬ ਜੀ , ਜਿਵੇਂ ਸ਼ਹੀਦ ਬਾਬਾ ਬੋਤਾ ਸਿੰਘ ਜੀ, ਸ਼ਹੀਦ ਬਾਬਾ ਗਰਜਾ ਸਿੰਘ ਜੀ ਆਦਿ ਦੀ ਯਾਦ ਤਾਜ਼ਾ ਕਰ ਰਹੇ ਸੀ। ਸਫਾਈ ਦੀ ਸੇਵਾ ਕਰਦਿਆਂ ਇਕ ਅਨੋਖਾ ਸੰਤੋਖ ਮਹਿਸੂਸ ਹੋਇਆ। ਦਿਲ ਵਿਚ ਇਹ ਅਹਿਸਾਸ ਜਾਗਿਆ ਕਿ ਸੇਵਾ ਰਾਹੀਂ ਹੀ ਅਸੀਂ ਵਾਹਿਗੁਰੂ ਨਾਲ ਜੁੜ ਪਾ ਸਕਦੇ ਹਾਂ। ਗੁਰਦੁਆਰਾ ਸਾਹਿਬ ਜੀ ਦੀ ਪਵਿੱਤਰਤਾ, ਸੰਗਤ ਦੀ ਸ਼ਰਧਾ ਤੇ ਗੁਰਬਾਣੀ ਦਾ ਸੁਰ, ਇਹ ਸਭ ਇਕ ਆਤਮਕ ਸ਼ਾਂਤੀ ਦਾ ਅਹਿਸਾਸ ਦਿੰਦੀਆਂ ਹਨ। ਆਓ, ਅਸੀਂ ਸਭ ਮਿਲ ਕੇ ਇਹ ਅਰਦਾਸ ਕਰੀਏ ਕਿ ਵਾਹਿਗੁਰੂ ਸਾਨੂੰ ਵੀ ਸੇਵਾ, ਸ਼ਰਧਾ ਤੇ ਸੱਚਾਈ ਦੇ ਰਸਤੇ ਤੇ ਤੋਰਣ ਦੀ ਸਮਰੱਥਾ ਦੇਵੇ। ਬਾਬਾ ਦੀਪ ਸਿੰਘ ਜੀ ਦੀ ਕੁਰਬਾਨੀ ਸਦਾ ਸਾਨੂੰ ਪ੍ਰੇਰਿਤ ਕਰਦੀ ਰਹੇ।
“ਸਿਰ ਦਿੱਤਾ ਪਰ ਧਰਮ ਨਾ ਦਿੱਤਾ।”
ਲੇਖਿਕਾ- ਮਨਦੀਪ ਕੌਰ ਬੱਲ
.jpg)
