ਅੱਜ ਅਧੁਨਿਕ ਯੁੱਗ ਵਿੱਚ ਮਨੁੱਖ ਰੋਜ਼ਾਨਾ ਭੱਜ ਦੌੜ ਭਾਵੇਂ ਕੋਈ ਘਰ , ਦਫ਼ਤਰ ਜਾਂ ਆਪਣੇ ਕਾਰੋਬਾਰ ਦੀ ਹੋਵੇ ਮਾਨਸਿਕ ਤਨਾਅ ਨੂੰ ਘੱਟ ਕਰਨ ਲਈ ਤੇ ਸ਼ਾਂਤ ਸੁਭਾਅ ਰੱਖਣ ਲਈ ਕਿਸੇ ਨਾ ਕਿਸੇ ਅਜਿਹੇ ਤਰੀਕੇ ਦੀ ਭਾਲ 'ਚ ਹੁੰਦਾ ਹੈ ਜੋ ਉਸ ਦੀ ਮਾਨਸਿਕਤਾ ਤੇ ਸਰੀਰ ਨੂੰ ਤੰਦਰੁਸਤ ਬਣਾ ਸਕੇ । ਇਸ ਲਈ ਯੋਗਾ ਅਭਿਆਸ ਅਜਿਹਾ ਮਾਧਿਅਮ ਹੈ ਜਿਸ ਨੂੰ ਮਨੁੱਖ ਰੋਜ਼ਾਨਾ ਜ਼ਿੰਦਗੀ ਵਿੱਚ ਅਪਨਾ ਕੇ ਆਪਣੇ ਸਰੀਰ ਨੂੰ ਤੰਦਰੁਸਤ ਰੱਖ ਸਕਦਾ ਹੈ ਪਰ ਜ਼ਰੂਰਤ ਹੈ ਇਸ ਨੂੰ ਆਦਤ ਪਾਉਣ ਦੀ । ਸਰੀਰ ਨੂੰ ਤੰਦਰੁਸਤ ਰੱਖਣ ਵਿਚ ਯੋਗਾ ਦਾ ਬਹੁਤ ਵੱਡਾ ਰੋਲ ਹੁੰਦਾ ਹੈ। ਯੋਗ ਅਭਿਆਸ ਕਰਨ ਨਾਲ ਅਸੀਂ ਸਰੀਰਕ ਪੱਖੋਂ ਸਿਹਤਮੰਦ ਤਾਂ ਹੁੰਦੇ ਹੀ ਹਾਂ ਬਲਕਿ ਮਾਨਸਿਕ ਤੌਰ 'ਤੇ ਵੀ ਮਜ਼ਬੂਤ ਬਣਦੇ ਹਾਂ। ਇਸ ਨਾਲ ਮਨ ਵੀ ਸਥਿਰ ਹੁੰਦਾ ਹੈ ਤੇ ਸ਼ਾਂਤ ਰਹਿੰਦਾ ਹੈ ।
ਯੋਗਾ ਸੰਸਕ੍ਰਿਤ ਦੇ ਸ਼ਬਦ 'ਯੁਜ' ਤੋਂ ਬਣਿਆ ਜਿਸਦਾ ਅਰਥ ਹੈ ਜੋੜਨਾ। ਇਹ ਮਨੁੱਖਵਮ ਦੇ ਸਰੀਰ ਦੀਆਂ ਸਾਰੀਆਂ ਸ਼ਕਤੀਆਂ ਸਰੀਰ, ਮਨ , ਆਤਮਾ , ਭਾਵਨਾਵਾਂ ਤੇ ਜਜ਼ਬਿਆਂ ਨੂੰ ਸੂਤਰਬੱਧ ਕਰਦਾ ਹੈ। ਯੋਗਾ ਦਾ ਜ਼ਿਕਰ ਮਹਾਭਾਰਤ, ਰਾਮਾਇਣ, ਪ੍ਰੀ-ਵੈਦਿਕ ਤੇ ਪੋਸਟ ਵੈਦਿਕ ਕਾਲ ਵਿਚ ਵੀ ਆਉਂਦਾ ਹੈ। ਯੋਗ ਦਾ ਅਭਿਆਸ ਸਰੀਰ ਅਤੇ ਮਨ ਦੋਵਾਂ ਨੂੰ ਅਨੁਸ਼ਾਸਨ ’ਚ ਜੋੜ ਕੇ ਰੱਖਦਾ ਹੈ ।ਜਿਸ ਨਾਲ ਜ਼ਿੰਦਗੀ ਦੀਆਂ ਵੱਡੀਆਂ-ਵੱਡੀਆਂ ਮੁਸ਼ਕਿਲਾਂ ਨੂੰ ਵੀ ਹੱਲ ਕੀਤਾ ਜਾ ਸਕਦਾ ਹੈ।
**ਮਾਨਸਿਕ ਤੌਰ ’ਤੇ ਬਣਾਉਂਦਾ ਮਜ਼ਬੂਤ**
ਆਧੁਨਿਕ ਯੁੱਗ ਦੀ ਲੱਗੀ ਦੌੜ ਵਿਚ ਲੋਕਾਂ ਵਿੱਚ ਸੱਭਿਆਚਾਰ, ਤੇ ਖਾਣ-ਪੀਣ ’ਚ ਆਈ ਤਬਦੀਲੀ ਨੇ ਸਭ ਦੀ ਸਿਹਤ ’ਤੇ ਵੱਡਾ ਅਸਰ ਕੀਤਾ ਹੈ। ਕਸਰਤ, ਯੋਗਾ ਇਹ ਸਭ ਕਰਨ ਲਈ ਤਾਂ ਲੋਕਾਂ ਕੋਲ ਸਮਾਂ ਹੀ ਨਹੀਂ ਹੈ। ਲੋਕ ਦਵਾਈਆਂ ਖਾ-ਖਾ ਕੇ ਸਰੀਰ ਨੂੰ ਖੋਖਲਾ ਕਰ ਰਹੇ ਹਨ। ਜੇਕਰ ਰੋਜ਼ਾਨਾ ਦੇ ਰੁਝੇਵਿਆਂ ਵਿੱਚੋਂ ਯੋਗ ਅਭਿਆਸ ਦਾ ਸਮਾਂ ਕੱਢ ਲੈਣ ਤਾਂ ਮਨੁੱਖ ਦਾ ਸਰੀਰ ਤੰਦਰੁਸਤ ਰਹਿ ਸਕਦਾ ਹੈ । ਯੋਗਾ ਨਾ ਸਿਰਫ਼ ਸਾਡੇ ਸਰੀਰ ਨੂੰ ਮਜ਼ਬੂਤ ਬਣਾਉਂਦਾ ਹੈ ਸਗੋਂ ਸਾਨੂੰ ਮਾਨਸਿਕ ਤੌਰ ’ਤੇ ਵੀ ਤੰਦਰੁਸਤ ਰੱਖਦਾ ਹੈ। ਯੋਗਾ ਨਾਲ ਸਰੀਰ ਤੇ ਦਿਮਾਗ਼ ਨੂੰ ਅਲੱਗ ਹੀ ਊਰਜਾ ਮਿਲਦੀ ਹੈ। ਯੋਗਾ ਕਰਨ ਵਾਲੇ ਕਦੇ ਵੀ ਮਾਨਸਿਕ ਤਣਾਅ ਦਾ ਸ਼ਿਕਾਰ ਨਹੀਂ ਹੁੰਦੇ।
** ਸਰੀਰਿਕ ਸਿਹਤ ਤੰਦਰੁਸਤ **
ਯੋਗ ਅਭਿਆਸ ਨਾਲ ਜਿੱਥੇ ਤਣਾਅ ਤੋਂ ਮੁਕਤੀ ਹਾਸਲ ਹੁੰਦੀ ਉੱਥੇ ਸਰੀਰਕ ਬਿਮਾਰੀਆਂ ਦੂਰ ਹੋਣ ਨਾਲ ਸਰੀਰਿਕ ਸਿਹਤ ਤੰਦਰੁਸਤ ਰਹਿੰਦੀ ਹੈ ਅਤੇ ਸਰੀਰ ਵਿੱਚ ਲਚਕਤਾ ਤੇ ਸੁਹੱਪਣ ਵਿੱਚ ਵੀ ਨਿਖਾਰ ਆਉਂਦਾ ਹੈ । ਯੋਗ ਆਸਨ ਆਰਾਮ ਕਰਨ ਦੀ ਸਭ ਤੋਂ ਸਰਲ ਵਿਧੀ ਹੈ।ਸਰੀਰ ਵਿੱਚ ਊਰਜਾ ਦਾ ਸੰਚਾਰ ਵੱਧਣ ਅਤੇ ਯੋਗ ਦੇ ਆਸਣ ਬਲੈਡ ਪ੍ਰੈਸਰ , ਪੇਟ ਆਦਿ ਬਿਮਾਰੀਆਂ ਨੂੰ ਦੂਰ ਕਰਦੇ ਹਨ ।
ਆਓ ਯੋਗ ਦਿਵਸ ਮੌਕੇ ਇਸ ਨਾਲ ਜੁੜ ਕੇ ਆਪਣੇ ਸਰੀਰ ਨੂੰ ਤੰਦਰੁਸਤ ਬਣਾਈਏ ਤੇ ਮਾਨਸਿਕ ਤੌਰ ਤੇ ਮਜ਼ਬੂਤ ਬਣੀਏ ਬਸ ਜ਼ਰੂਰਤ ਹੈ ਰੋਜ਼ਾਨਾ ਯੋਗ ਅਭਿਆਸ ਕਰਨ ਦੀ ।
ਮਾ ਜਸਵਿੰਦਰ ਪਾਲ
8437109908
.jpg)
