ਜਮਹੂਰੀ ਜਨਤਕ ਜਥੇਬੰਦੀਆਂ ਵੱਲੋਂ ਡਿਪਟੀ ਕਮਿਸ਼ਨਰ ਦਫਤਰ ਅੱਗੇ ਧਰਨਾ ਕੱਲ

 

ਧਰਮਪਾਲ ਸਿੰਘ, ਬਰਨਾਲਾ, 12 ਨਵੰਬਰ: ਤਰਕਸ਼ੀਲ ਭਵਨ ਬਰਨਾਲਾ ਵਿਖੇ ਵੱਖ ਵੱਖ ਜਨਤਕ -ਜਮਹੂਰੀ ਜਥੇਬੰਦੀਆਂ ਦੇ ਆਗੂਆਂ ਵੱਲੋਂ ਇੱਕ ਅਹਿਮ ਮੀਟਿੰਗ ਕੀਤੀ ਗਈ । ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਡਾਕਟਰ ਜਗਰਾਜ ਸਿੰਘ ਟੱਲੇਵਾਲ, ਲਾਭ ਸਿੰਘ ਅਕਲੀਆਂ , ਮੱਖਣ ਸਿੰਘ ਰਾਮਗੜ੍ਹ, ਖੁਸੀਆ ਸਿੰਘ, ਨਾਨਕ ਸਿੰਘ ਅਮਲਾ  ਸਿੰਘ ਵਾਲਾ , ਹਰਜੀਤ ਸਿੰਘ ਖ਼ਿਆਲੀ, ਮਨਜੀਤ ਰਾਜ ਅਤੇ ਡਾਕਟਰ ਰਜਿੰਦਰਪਾਲ ਨੇ ਕਿਹਾ ਕੇ ਪੰਜਾਬ ਸਰਕਰ ਵੱਲੋਂ ਬੀਡੀਪੀਓ ਬਲਾਕਾਂ ਦੇ ਪੁਨਰਗਠਨ ਕਰਕੇ ਵੱਡੇ ਪੱਧਰ 'ਤੇ ਪਿੰਡਾਂ ਦੀ ਤੋੜਭੰਨ ਕੀਤੀ ਜਾ ਰਹੀ ਹੈ। ਬਲਾਕ ਸਹਿਣਾ ਦੇ ਦਰਜਨਾਂ ਪਿੰਡ ਤੋੜਕੇ ਮਹਿਲ ਕਲਾਂ ਬਲਾਕ ਨਾਲ ਅਤੇ ਬਰਨਾਲਾ ਬਲਾਕ ਦੇ ਦੋ ਦਰਜਨ ਪਿੰਡ ਸਹਿਣਾ ਬਲਾਕ ਨਾਲ ਜੋੜੇ ਜਾ ਰਹੇ ਹਨ। ਜੋਕਿ ਆਮ ਲੋਕਾਂ ਨੂੰ  ਪ੍ਰੇਸ਼ਾਨੀ ਅਤੇ ਖੱਜਲ ਖ਼ੁਆਰੀ ਦਾ ਸਾਹਮਣਾ ਕਰਨਾ ਪਵੇਗਾ। ਇਸ ਤਰਾਂ ਕਰਨ ਨਾਲ ਲੋਕਾਂ ਨੂੰ ਆਉਣ ਜਾਣ 'ਚ ਕਾਫ਼ੀ ਸਮੱਸਿਆਵਾਂ ਆਵੇਗੀ । ਕਿਉਂ ਕੇ ਇਹ ਪਿੰਡ ਨਵੇਂ ਜੋੜੇ ਬਲਾਕਾਂ ਨਾਲੋਂ ਕਾਫ਼ੀ ਦੂਰ ਹਨ । ਇਸ ਦੇ ਵਿਰੋਧ ਵਿੱਚ ਜ਼ਿਲ੍ਹਾ ਬਰਨਾਲਾ ਦੀਆਂ ਕਿਸਾਨ, ਮਜ਼ਦੂਰ ਅਤੇ ਜਨਤਕ ਜਮਹੂਰੀ ਜਥੇਬੰਦੀਆਂ ਅਤੇ ਪੰਚਾਇਤਾਂ  ਵੱਲੋਂ 13 ਨਵੰਬਰ ਨੂੰ ਡੀ ਸੀ ਬਰਨਾਲਾ ਵਿਖੇ ਵਿਰੋਧ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ।ਜਿਸ ਦੀ ਤਿਆਰੀ ਲਈ  ਵੱਖ ਵੱਖ ਪਿੰਡਾਂ ਚ ਲੋਕਾਂ ਨੂੰ ਲਾਮਬੰਦ ਕੀਤਾ ਜਾ ਰਿਹਾ ਹੈ। ਆਗੂਆਂ ਨੇ ਲੋਕਾਂ ਨੂੰ 13 ਨਵੰਬਰ ਦਿਨ ਵੀਰਵਾਰ ਨੂੰ ਠੀਕ 11 ਵਜੇ ਡੀਸੀ ਦਫਤਰ ਬਰਨਾਲਾ ਵਿਖੇ ਵੱਡੀ ਗਿਣਤੀ ਵਿੱਚ ਸ਼ਾਮਲ ਹੋਣ ਦੀ ਅਪੀਲ  ਕੀਤੀ ਗਈ ਹੈ। ਇਸ ਮੌਕੇ ਬੀਕੇਯੂ ਏਕਤਾ ਉਗਰਾਹਾਂ ਟੱਲੇਵਾਲ ਦੇ ਪ੍ਰਧਾਨ ਜਰਨੈਲ ਸਿੰਘ, ਹੈੱਡਮਾਸਟਰ ਰਣਜੀਤ ਸਿੰਘ ਟੱਲੇਵਾਲ, ਜਗਰਾਜ ਸਿੰਘ ਰਾਮਾਂ, ਸਤਪਾਲ ਸਿੰਘ ਬਹਿਣੀਵਾਲ, ਨਛੱਤਰ ਸਿੰਘ ਰਾਮਨਗਰ ਮਜ਼ਦੂਰ ਅਧਿਕਾਰ ਅੰਦੋਲਨ, ਜਗਤਾਰ ਸਿੰਘ ਪੰਚ, ਗੁਰਦੀਪ ਸਿੰਘ ਚੂੰਘਾਂ, ਸੁਖਜਿੰਦਰ ਸਿੰਘ ਕੈਰੇ, ਨਾਇਬ ਸਿੰਘ ਬੀਕੇਯੂ ਲੱਖੋਵਾਲ ਨਿਰਮਲ ਸਿੰਘ ਆਦਿ ਸ਼ਾਮਿਲ ਸਨ।