.jpg)
ਮੈਂ ਕਹਿੰਦੀ ਰਹੀ ਤੂੰ ਸੁਣਦਾ ਰਿਹਾ,
ਗੱਲ ਲੱਗੀ ਨਾ ਕਿਸੇ ਟਿਕਾਣੇ ਵੇ ।
ਖਵਰੇ ਤੇਰੇ ਦਿਲ ਵਿੱਚ ਕੀ ਮਿੱਤਰਾ,
ਮੈਥੋਂ ਗਏ ਨਾ ਅਰਮਾਨ ਪਛਾਣੇ ਵੇ ।
ਦਿਲ ਵਿੱਚ ਰੱਖਕੇ ਘੁੰਡੀ ਵੈਰੀਆ ਸਮਾ ਲੰਘਾ ਲਿਆ ਤੂੰ।
ਮੈਂ ਕਮਲੀ ਕੀ ਜਾਣਾ ਅੜਿਆ ਕਿਹੜਾ ਯਾਦੂ ਪਾ ਲਿਆ ਤੂੰ।
ਤੇਰੇ ਪਿੱਛੇ ਮੈਂ ਤਾਂ ਝੱਲੀ ਹੋ ਕੇ ਫਿਰਦੀ ਰਹੀ
ਤੂੰ ਤਾਂ ਹੁਣ ਹੋਰ ਕਿਸੇ ਨਾਲ ਮੌਜਾਂ ਮਾਣੇ ਵੇ......
ਤੂੰ ਤਾਂ ਕਹਿੰਦਾ ਹੁੰਦਾ ਸੀ ਮੈਂ ਤੇਰੇ ਬਿਨਾ ਨਹੀ ਰਹਿ ਸਕਦਾ।
ਤੇਰੇ ਬਾਜੋਂ ਹੋਰ ਕਿਸੇ ਨੂੰ ਆਪਣੀ ਕਦੇ ਨਹੀ ਕਹਿ ਸਕਦਾ।
ਕੋ ਕੋ ਲੰਬੇ ਵਾਇਦੇ ਤੂੰ ਤਾਂ ਕਰਦਾ ਹੁੰਦਾ ਸੀ
ਅੱਜ਼ ਤੂੰ ਆਟੇ ਦੇ ਵਿੱਚ ਲੂਣ ਤੱਕ ਨਾ ਜਾਣੇ ਵੇ......
ਮੁੜ ਮੁੜ ਆਉਂਦਾ ਚੇਤਾ, ਛਿੰਦੇ ਤੇਰੇ ਝੂੱਠੇ ਲਾਰਿਆਂ ਦਾ।
ਤੂੰ ਰਿਹਾ ਮਖ਼ੌਲ ਉਡਾਉਂਦਾ ਸਾਡਾ ਕਰਮਾ ਮਾਰਿਆਂ ਦਾ।
ਕੀਹਨੂੰ ਦੱਸਾਂ ਖੋਲ ਖ਼ੁਲਾਸਾ ਆਪਣੇ ਪਿਆਰਾਂ ਦਾ
ਕੌਣ ਕਰੇ ਹਮਦਰਦੀ ਕਿਹੜਾ ਦਰਦ ਪਛਾਣੇ ਵੇ
ਕੀ ਪਤਾ ਸੀ, ਬੁਰਜ਼ ਵਾਲਿਆ, ਪਿਆਰ ਵਿਛੋੜਾ ਪਾਵੇਂਗਾ।
ਪੁੱਛਾਂ ਗੀ ਤੈਨੂੰ ਕੋਲ ਬਿਠਾ ਕੇ ਜਦ ਸੁਪਨੇ ਵਿੱਚ ਆਵੇਂਗਾ।
ਮੈਥੋਂ ਇਹ ਝੱਲ ਨਹੀ ਹੁੰਦਾ ਸੰਤਾਪ ਜੁਦਾਈਆਂ ਦਾ
ਪਰ ਤੂੰ ਕੀ "ਛਿੰਦਿਆ" ਦਰਦ ਬਿਗਾਨਾ ਜਾਣੇ ਵੇ
....... ਛਿੰਦਾ ਬੁਰਜ਼ ਵਾਲਾ.....
.jpg)
