AUS ਬਨਾਮ WI: ਬਾਰਬਾਡੋਸ ‘ਚ ਖੇਡੇ ਪਹਿਲੇ ਟੈਸਟ ਮੈਚ ‘ਚ ਆਸਟ੍ਰੇਲੀਆ ਨੇ ਵੈਸਟਇੰਡੀਜ਼ ਨੂੰ 159 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਦਿੱਤਾ। ਜੋਸ਼ ਹੇਜ਼ਲਵੁੱਡ ਦੀ ਅਗਵਾਈ ਵਾਲੀ ਆਸਟ੍ਰੇਲੀਆ ਨੇ ਤੀਜੇ ਦਿਨ ਦੇ ਆਖਰੀ ਸੈਸ਼ਨ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਵੈਸਟਇੰਡੀਜ਼ ਨੂੰ 141 ਦੌੜਾਂ ‘ਤੇ ਆਊਟ ਕਰ ਦਿੱਤਾ। ਨਾਥਨ ਲਿਓਨ ਨੇ ਦਿਨ ਦੀਆਂ ਆਖਰੀ ਦੋ ਗੇਂਦਾਂ ‘ਤੇ ਲਗਾਤਾਰ ਦੋ ਵਿਕਟਾਂ ਲੈ ਕੇ ਜਿੱਤ ਯਕੀਨੀ ਬਣਾਈ। ਹੇਜ਼ਲਵੁੱਡ ਨੇ ਦੂਜੀ ਪਾਰੀ ‘ਚ 43 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ।
ਆਸਟ੍ਰੇਲੀਆ ਨੇ 10 ਦੌੜਾਂ ਨਾਲ ਪਿੱਛੇ ਰਹਿਣ ਤੋਂ ਬਾਅਦ ਦੂਜੀ ਪਾਰੀ (AUS ਬਨਾਮ WI) ‘ਚ ਵਾਪਸੀ ਕੀਤੀ ਅਤੇ 310 ਦੌੜਾਂ ਬਣਾਈਆਂ। ਇਸ ਤੋਂ ਪਹਿਲਾਂ, ਆਸਟ੍ਰੇਲੀਆ ਨੇ ਇਸ ਮੈਚ ‘ਚ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਪਹਿਲੀ ਪਾਰੀ’ਚ ਸਿਰਫ਼ 180 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ। ਟ੍ਰੈਵਿਸ ਹੈੱਡ ਨੇ ਸਭ ਤੋਂ ਵੱਧ 59 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ ਦੂਜੀ ਪਾਰੀ ‘ਚ 50 ਦੌੜਾਂ ਬਣਾਈਆਂ ਅਤੇ ਮੈਨ ਆਫ ਦਿ ਮੈਚ ਨਾਲ ਨਵਾਜਿਆ ਗਿਆ।
ਟ੍ਰੈਵਿਸ ਤੋਂ ਇਲਾਵਾ, ਆਸਟ੍ਰੇਲੀਆ ਲਈ ਦੂਜੀ ਪਾਰੀ ‘ਚ ਐਲੇਕਸ ਕੈਰੀ ਨੇ 65 ਅਤੇ ਬੀਓ ਵੈਬਸਟਰ ਨੇ 63 ਦੌੜਾਂ ਬਣਾਈਆਂ। ਵੈਸਟਇੰਡੀਜ਼ ਦੇ ਸ਼ਮਾਰ ਜੋਸਫ਼ ਨੇ ਵੀ ਆਪਣੀ ਦੂਜੀ ਪਾਰੀ ‘ਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਅਤੇ 5 ਵਿਕਟਾਂ ਲਈਆਂ।
ਵੈਸਟਇੰਡੀਜ਼ ਨੇ ਪਹਿਲੀ ਪਾਰੀ ‘ਚ 10 ਦੌੜਾਂ ਦੀ ਲੀਡ ਲਈ ਸੀ। ਦੂਜੀ ਪਾਰੀ ਵਿੱਚ ਉਨ੍ਹਾਂ ਨੂੰ ਜਿੱਤ ਲਈ 301 ਦੌੜਾਂ ਦਾ ਟੀਚਾ ਮਿਲਿਆ। ਕੈਰੇਬੀਅਨ ਬੱਲੇਬਾਜ਼ ਜੋਸ਼ ਹੇਜ਼ਲਵੁੱਡ ਦੀ ਗੇਂਦਬਾਜ਼ੀ ਅੱਗੇ ਬੇਵੱਸ ਦਿਖਾਈ ਦਿੱਤੇ। ਵੈਸਟਇੰਡੀਜ਼ ਦੇ 7 ਖਿਡਾਰੀ ਦੋਹਰੇ ਅੰਕਾਂ ‘ਚ ਸਕੋਰ ਨਹੀਂ ਬਣਾ ਸਕੇ ਅਤੇ ਕੈਰੇਬੀਅਨ ਟੀਮ ਸਿਰਫ਼ 141 ਦੌੜਾਂ ‘ਤੇ ਢਹਿ ਗਈ। ਉਨ੍ਹਾਂ ਨੂੰ 159 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਦੂਜੀ ਪਾਰੀ ‘ਚ ਆਸਟ੍ਰੇਲੀਆ ਲਈ ਜੋਸ਼ ਹੇਜ਼ਲਵੁੱਡ ਨੇ 5 ਵਿਕਟਾਂ, ਨਾਥਨ ਲਿਓਨ ਨੇ ਦੋ, ਪੈਟ ਕਮਿੰਸ ਅਤੇ ਮਿਸ਼ੇਲ ਸਟਾਰਕ ਨੇ ਇੱਕ-ਇੱਕ ਵਿਕਟ ਲਈ।
.jpg)
